恁兜的滷肉飯是啥款？滷肉飯的詞目更新
新舊滷肉飯的義項更新
以早的教典滷肉飯詞目華語解說干焦收一條，是北部滷肉飯的定義，定定予人譬相講「啊毋是以高雄腔為第一優勢腔，哪會有高雄音無高雄義！」
今年經過某乜熱心民眾寫批爭取了後，教典佇七月七號更新滷肉飯的詞目文字，共兩種意思的精差寫予清楚，嘛共一直有人咧崁浮輪講教典哪會無收的「肉燥飯」寫佇解說文字內底。恁兜的滷肉飯閣是佗一種？是解說第一條抑是第二條？
寫教育部部長批桶真正是這个有效的意見反應管道，對教典有啥物意見去共反應攏會處理，是一个比四界鋪文崁浮輪閣較有效的參與體制的管道，寫華文臺文攏會使承辦人員攏看有。這馬新版教典嘛共寫批的連結囥佇網頁下跤真明顯的位，推薦逐家用看覓，想欲食肉燥飯的就緊去寫批建議教育部趕緊共肉燥飯收入去；想欲食雞腿的嘛緊去寫批，教典嘛無收雞腿。 （教典無收肉燥飯佮雞腿敢算是僻智識 😅）