「術仔 su̍t-á」僻智識
佇 2023 年六月教典進入學術網路第二版以前，表示「無膽的人」的「su̍t-á」其實並無收入去教典內底，彼陣干焦佇「騙子」的方言差表內底的三峽偏泉腔有一條「術仔 su̍t-á」，毋過彼意思嘛干焦講「術仔 su̍t-á」有「諞仙仔」的意思。（舊教典截圖請看第一張圖）
舊教典的「術仔」藏佇「騙子」方言差表
2023 六月教典更新，第一批加入去教典的詞目番號第 24 條正式共原底干焦列佇方言差表的「術仔 su̍t-á」列做主詞目，而且詞目內容義項有兩項：「諞仙仔」佮「無膽的人」兩種意思。就按呢這个詞才正式有官方建議用字。
2023新收錄「術仔 su̍t-á」做主詞目
「捽仔 sut-á」聲調無仝，是一條長長有 khiū 性，會當提來 sut 的家私，像趕牛會用「牛捽仔」；啊若講主張愛寫「豎」就是民間意見矣，毋捌入去教典過。
「捽仔 sut-á」是另外一个物件