聽例句寫單詞—台語聽寫練習系統重頭生
聽例句寫單詞
舊年五月推出 台語聽寫練習系統 ，毋過無過半冬就歹去，一直無修理，最近總算是共修理好勢矣。閣有增加一寡新功能、略仔修改介面、共題庫資料更新至上新版本的教典。另外因為有另外一个 Bí-o͘h 先生所創的聽五个單詞的網頁嘛叫做 台語聽寫練習 ，有當時仔人會共彼佮我的網頁認做仝一个，所以網頁嘛改名做「聽例句寫單詞」，予人聽著名就知影內容。
新功能介紹：直接顯示答案、拍星號
原底的模式干焦回答「漢字+羅馬字」佮回答「羅馬字」兩種，這馬增加一个新的模式「直接顯示答案」，這个模式無需要輸入任何的答案，揤「看答案」就通好看著答案，適合配合紙本練習了後家己對答案。
佇看答案的頁面揤後壁彼粒星就通共題目拍星號，佇頭頁的題庫只要選「拍星號的題目」就會當以家己有拍星號的題目做題庫來練習。若是拄著較生份抑是寫毋著的詞就共拍一粒星，方便以後加複習。
後記
這个作品原底是舊年初參加阮朋友宗勝舉辦的 Python 學習讀書會 所創作的作品，彼陣拄上線的時陣是直接連去教典音檔，毋過後來教典有改版，檔案號名的資料格式嘛有修改，所以音檔放送功能 tsua̋n 歹去矣，這改我重新家己共音檔囥佇 Cloudflare R2 代管，免費的流量應該就真有夠用矣，應該會當予這閣活較久咧。
真失禮予逐家等遐爾久，嘛有一寡有志有當時仔會來共我問講當時才會修理。這改八月底下決心愛佇開學進前處理，總算是做出來矣。若是閣有啥物建議抑是發現啥物問題，歡迎寄批至 [email protected] 佮我聯絡。
時間才過一冬，ai 輔助寫程式的家私發展真濟，予我這改的改版真順利，閣有氣力去增加新功能。這陣嘛看著真濟先生利用 ai 輔助開發佮台語文相關的家私1，真正是時代無仝囉。
相關技術佮資源
真正感謝下跤的各種資源，有遮的基礎才有這个網站。
- 題庫文字、聲音檔： 教育部臺灣台語常用詞辭典
- 台語文字處理函式庫： 意傳科技 KeSi
- 網頁後端框殼： Python Flask
- 網頁程式代管： PythonAnywhere
- 網頁前端框殼： Bootstrap
- 網頁前端圖示： Font Awsome
- AI 輔助程式編輯器： Cursor
- 音檔儲存： Cloudflare R2
- 漢字字型： 豆腐烏
- 羅馬字字型： Lesson One
教典僻智識系列
- 巷仔內才知影的教典外來語詞
- 教典的「漢羅濫寫」例句
- 恁兜的滷肉飯是啥款？滷肉飯的詞目更新
- 教典阿明的一生
- 教典大惡人——名姓袂當講出來的「彼个人」
- 教典相命術——揣著你的教典命運詞
- 教典的「華語借音詞」
- 遮的詞恁兜攏按怎講？教典內底的「方言無差表」
- 「量量量量量」同學的名字有 32768 種讀法，你敢會曉唸？
- 注音做名姓嘛有讀音？
- 關係教典俗諺的一寡僻智識
- 教典上討厭的三種人
- 有輕聲意思就無仝的詞
- 連寫詞組當中有大寫的詞目
- 教典教你按怎做人
- 教典十誡開放下載、列印
- 仝款漢字無仝音義的詞
- 教典收錄的假疊詞
- 大量名姓做一改揣——做一改講我的名
- 教典阿明的一生——第二季
- 教典例句四个發音人
- 教典地方僻智識
- 連字符入門①－「詞」內底的音節連寫
- 連字符入門②－「詞組」內底的詞「基本上」分寫
- 教典上長
- 教典上濟
- 台語聽寫練習系統
- 教典 ABC | CAB 詞目組
- 正規表達式入門①－基礎概念、按怎揣漢字
- 正規表達式入門②－揣羅馬字的撇步
- 教典的風聲
- 教典詞目詞性索引
- 教典新收詞 Notion 表格
- 教典十二生相
- 失控的教典俗諺語課
- 「術仔 su̍t-á」僻智識
- 教典2025新漢字音
- 有關「字音修訂公告2年」
- 教典2025新收詞 Notion 表格
- 活用教典101－講座參考資料
- 聽例句寫單詞—台語聽寫練習系統重頭生