走揣教典內底的「鳳凰好朋友」

教典僻智識 系列第 43 篇

這篇文章是台文

#台文   #教典   #鳳凰風颱   #REGEX  
教典內底的「鳳凰好朋友」

教典內底的「鳳凰好朋友」

欲按怎揣著各種教典內底的「鳳凰好朋友」，加入鳳凰風颱盤喙錦創作比賽1咧？遮來予你一寡 REGEX 咒語，𤆬你對入門到出師，共各種「鳳凰好朋友」攏揣出來 💪

下跤會詳細解說思考的理路，若是袂曉 REGEX 嘛無要緊，下跤每一條的頭前嘛有連結共你攢便便，揤落去就通好看，予你一寡創作的素材佮靈感 😎

  1. hong\d ：佇教典欲揣著「無限定聲調」的音節，會當用 \d 語法代表「任何一个數字」，所以揣 hong\d 就會當揣著「任何包含 hong 聲韻，無限定聲調的詞目」。有 648 个條目

  2. ^hong\d$ ：頭前按呢揣傷闊矣，閣會揣著咱用袂著的「thong」、「tshong」、「khong」等等的音節，咱會當用 ^ 佮 $ 共頭前後壁箍起來，限定揣孤一字，揣 ^hong\d$ 就通好列出「所有聲韻是 hong 的漢字」。有 54 个條目

  3. ^h(ong|oo?)\d$ ：其實欲做「鳳凰好朋友」無一定愛是 hong 才會使，hoo 佮 ho 唸起來嘛真倚，咱會使善用 (|)的語法一改揣兩个韻母條件，閣利用 oo? 做一改揣 o 佮 oo 兩種韻母，揣 ^h(ong|oo?)\d$ 會列出「所有聲韻是 hong、hoo 抑是 ho 的漢字」

  4. (^|\s)h(ong|oo?)\d h(ong|oo?)\d$ ：咱會當試一下揣兩个音節以上的組合，上頭前彼个音節愛會記得排除 thong 抑是 tshong 這種咱無欲愛的組合，所以佇頭前加上 (^|\s)，限定結果「愛是開頭抑是空白」，落尾咱就會當用 (^|\s)h(ong|oo?)\d h(ong|oo?)\d$ 揣著 12 條雙音節以上的鳳凰好朋友矣喔

延伸閱讀

  1. 毋知影這馬咧衝啥的朋友，請參考 公視台語台新聞 閣有 ohtaigi 鳳凰颱風台語繞口令  ↩︎

教典僻智識系列
  1. 巷仔內才知影的教典外來語詞
  2. 教典的「漢羅濫寫」例句
  3. 恁兜的滷肉飯是啥款？滷肉飯的詞目更新
  4. 教典阿明的一生
  5. 教典大惡人——名姓袂當講出來的「彼个人」
  6. 教典相命術——揣著你的教典命運詞
  7. 教典的「華語借音詞」
  8. 遮的詞恁兜攏按怎講？教典內底的「方言無差表」
  9. 「量量量量量」同學的名字有 32768 種讀法，你敢會曉唸？
  10. 注音做名姓嘛有讀音？
  11. 關係教典俗諺的一寡僻智識
  12. 教典上討厭的三種人
  13. 有​輕聲意思就無仝的詞
  14. 連寫詞組當中有大寫的詞目
  15. 教典教你按怎做人
  16. 教典十誡開放下載、列印
  17. 仝款漢字無仝音義的詞
  18. 教典收錄的假疊詞
  19. 大量名姓做一改揣——做一改講我的名
  20. 教典阿明的一生——第二季
  21. 教典例句四个發音人
  22. 教典地方僻智識
  23. 連字符入門①－「詞」內底的音節連寫
  24. 連字符入門②－「詞組」內底的詞「基本上」分寫
  25. 教典上長
  26. 教典上濟
  27. 台語聽寫練習系統
  28. 教典 ABC | CAB 詞目組
  29. 正規表達式入門①－基礎概念、按怎揣漢字
  30. 正規表達式入門②－揣羅馬字的撇步
  31. 教典的風聲
  32. 教典詞目詞性索引
  33. 教典新收詞 Notion 表格
  34. 教典十二生相
  35. 失控的教典俗諺語課
  36. 「術仔 su̍t-á」僻智識
  37. 教典2025新漢字音
  38. 有關「字音修訂公告2年」
  39. 教典2025新收詞 Notion 表格
  40. 活用教典101－講座參考資料
  41. 聽例句寫單詞—台語聽寫練習系統重頭生
  42. 教典的閩南相關用詞重整理
  43. 走揣教典內底的「鳳凰好朋友」
  44. 大量台語名姓搜揣網頁版
  45. 活用教典101（20251116講座@北教大）